ជនជាតិអូស្ត្រាលីម្នាក់ ដើរដេកតាមទីសាធារណៈ និងគ្មានលិខិតឆ្លងដែន ឃាត់ខ្លួនបញ្ជូនទៅ អគ្គនាយកដ្ឋានអន្តោប្រវេសន៍
21-May-2019 | ដោយ ពលមនសិការ
ភ្នំពេញ៖ នៅថ្ងៃទី២១ ខែឧសភា ឆ្នាំ២០១៩ វេលាម៉ោង១៤ និង២០នាទី កម្លាំងការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ បានទទួលជនជាតិអូស្ត្រាលីម្នាក់ ពីកម្លាំងនគរបាលរដ្ឋាបាលប៉ុស្ដិ៍ផ្សារកណ្ដាល១ ខណ្ឌដូនពេញ រាជធានីភ្នំពេញ ពីបទដើរដេកតាមទីសាធារណៈ និងគ្មានលិខិតឆ្លងដែនជាប់នឹងខ្លួន។
លោកវរសេនីយ៍ទោ ជា ចិត្រា នាយការិយាល័យស៊ើបអង្កេត និងអនុវត្តនីតិវិធី រាជធានីភ្នំពេញបានឱ្យដឹងថាជនបរទេសខាងលើឈ្មោះ CHRIS KNIGHT ភេទប្រុស អាយុ៥៨ឆ្នាំ។
លោកនាយការិយាល័យបន្តថា បន្ទាប់ពីកម្លាំងការិយាល័យ សាកសួរ ដឹងថាជននេះចូលមក ប្រទេសកម្ពុជាចំនួន០៣លើក លើកចុងក្រោយនៅខែឧសភា ឆ្នាំ២០១៥ តាមច្រកអាកាសយាន្តដ្ឋានអន្តរជាតិភ្នំពេញ គោលបំណងទេសចរណ៍។
បច្ចុប្បន្នគ្មានកន្លែងស្នាក់នៅពិតប្រាកដ ដើរដេកតាមទីសាធារណៈ និងគ្មានលិខិតឆ្លងដែនជាប់នឹងខ្លួន ត្រូវបានបញ្ជូនទៅអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់ ៕
ចំនួនអ្នកទស្សនា
- ថ្ងៃនេះ5181
- ម្សិលមិញ12101
- សប្តាហ៍នេះ17291
- ខែនេះ132441
- ឆ្នាំនេះ132441
- សរុប20574897